Бесна кобила 1923 мнв-Р.Србија

ПСК Скоска црна гора на Бесна кобила 1923 мнв - Р.Србија.

Тргнавме бесни. Кој од кој побесен и секој си знае од што.

Така збеснати, дојде делот од патот кај што те заузудваат, граница J А, таму не знаеш што повеќе те зауздува, дали времето, дали граничарите :)

Сега кога веќе, поминавме од другата страна, кротко, скротени, пристигнавме на Бесна Кобила .

Ете не сите нас, пред домаќините на планинарскиот дом Бесна Колиба. А, тие вчудоневидени од бројоноста на гостите, кои дошле да ја скротат Бесната Колиба. Го растоваривме самарот, ја ставивме опремата на нас и повторно спремни за беснеење.

Но овој пат почнавме со кротки чекори, еден позади друг. Де лево, де десно, де кроток чекор. Бесната кобила си го направила своето, ги покрила своите траги. Домаќините I love hiking како добри трагачи, ги открија трагите на Бесната кобила. А, на нас, останатите, ги следевме се онаму до Врвот Бесна кобила.

Но, на врвот не е само Бесната кобила, туку и северко беснее.. Па токму он повторно не скротува и не седнува на северо -источната страна на врвот, на починка.

А, за надолу, се однесуваш токму онаму , каде што си. Бесни сединки по снежните килими, бесни лизгање, бесни смеи, а и бесни санки.

Изморени, ослободени од бесот, кој што го чувствуваме пред да ја освоиме Бесна колиба, отидовме на бања.

Убаво испешачени, измиени, избањати, најадени, со песна по пат, се вративме дома.

Слаѓана

Слики од турата

Прочитај повеќе

Зима на Скопска 5/7

Дел од 5тата акција од проектот "Зима на Скопска".
Слики од турата.

Прочитај повеќе

Зима на Скопска 4/7

Цареви Ливади, Ајдучка Чешма – Скопска Црна Гора 21.01.2018 г. Како што му доликува на овој ден, Богојавление, во новото Лето Господово, тргнавме од с.Побожје кон Цареви Ливади 1550 мнв. Го следевме жуборот на водата, кој не однесе до манастирот Св.Архангел Михаил. А, одтука повидок од белина, снежна белина, која ја зголелува својата наметка како што чекориш угоре накај Цареви Ливади. Чекор, снегулка, насмевка, и се така, натака до Ајдучка чешма. И, тука застанавме, како планинари ајдуци, кои сакаат да одат онаму каде што царот одел пешки. Па, така велат народните преданија, дека царот одел само пешки кога уживал во бескрајните убавини. Но, овој пат, царот си ги заштитил своите ливади со непробивна снежна наметка, чувајќи ги само за себе. Се покоривме на желбата на царот, па си починавме на ајдучка чешма, во колибката на некогашното бачило, додека ветерот си ја одсвируваше својата мелодија. За назад, немаше само чекор, снегулка, насмевка, туку и снежни акробации, а за тоа си знаат само присутните акробати. И, денот си заврши како од сказна испишан. Волшебен нели ? Тогаш дојдете со нас на 5/7 од Зима на Скопска, да ги создадеме заедно планиснките волшебства далеку од сивата реалност. Слаѓана

Слики од турата

Прочитај повеќе

Василица на Спирова колиба 14.01.2018

ПСК СЦГ клубски на василица кршевме лепче со паричка во планинарската куќа на Скопска.Кумата Еленче Петроска ни спреми прекрсни лепчиња на која многу и благодарме да е жива здрава и берикетна. Новиот кум за оваа година е Ристе Рендески на кој му посакуваме здравје , среќа и берикет оваа година.
Слики од турата

Прочитај повеќе

Врв Антени 2550 и Бакрдан 2704- Шар планина.

17/20 до Антени 2550 мнв, 3/20 до Бакрдан 2704 мнв – Шар Планина
Ја започнавме годината од бедемот на севорозападот – Шар Планина. 
А, за неа нема што да се рече, што да се пишува, се е раскажано, се е запишано. 
И, во новата година е ошарена од планинари, секој тргнат на одредената цел. Некој на Титов Врв, некој на Плат, а ние на Антени и Бакрдан.
Тргнавме од долината на насмевките – Попова Шапка, таму каде што се раѓаат насмевките на детските лица, додека се санкаат на санки.
Со зраците на изгрејсонцето, ја искачивме белината на Церипашина, која трпеливо ги чекаше првите сноубордери.
Но, кој лека полека, кој ита, кој брза, кој подоцна, кој порано, стигнавме до Антени. А, оние бестрашните, отидоа до Бакрдан, одговарајќи на предизвикот кој гордо стои пред кулата на Титов Врв.
Тоа што не испрати на поаѓање, тоа и не дочека на враќање, рој насмевки.
Ошарени од насмевки, си зедовме и ние по една насмевка од Шара, која ќе не прати до следно планинско видување.
Слаѓана
Слики од турата

Прочитај повеќе

Зима на Скопска Црна Гора 3/7

Panta rei, се тече, се се движи, се се менува. И, ете не дојдовме до крајот на годината. Иако се движиме по иста патека, сите ние, некој се сменил, а некој не. Оставаме се зад себе и се нека стои во старата година, таму му е местото на искуството со кое се здобивме во 2017 г. А во Новата Година, ќе го понесеме само она што го извлековме како ука, она позитивното. Со научена лекција од годината, како некој ат, следејќи ја Боки, “трчавме” кон Спирова колба, по патеката на Три чешми. Овој пат, никој за себе не носи закуска, туку Ѓорѓи, Злате, Срѓан, Боге, Здраве носеа закуска за сите, како за нас така и за гостите. А, останатите ги бодревме со насмевки. Само што се искачивме по патеката, видовме дим, чури оџакот на Спирова колиба. А таа пука, не пука од ништо друго, туку пука од топлина. Таму не чекаа Драгец, Тихо, Веле, Нолче,со топло чајче, греено вино, кафе, како почеток на Новогодишната забава. А, во белината околу Спирова Колиба, се слушна глас, глас на славеј. Тоа не е никој друг туку нашата драга Цаци. И, се запеа песна, се заигра оро, почна забавата. Песна, оро, кое не развесели и така весели не спушти повторно по патеката на Три Чешми. Благодарност до гостите, кои не разубавија со нивната ведрина и со вербата во нас. На крајот, сме подготвени за Новата Година, со предизвиците кои ги носи. Ние ги прифаќаме, а Вас останатите Ве очекуваме да дојдете со нас, да ги исрцтаме заедно. Секој различен, секој единствен, тоа е Убавината на ПСК Скопска Црна Гора. А, јас, драги мои, ќе речам, празници се ближат, а веќе за некому се дојдени, СРЕЌЕН БОЖИЌ 

текст-Слаѓана 

фото-Ѓорѓи

Слики од турата

Прочитај повеќе

Зима на Скопска Црна Гора 2/7

Втора од седумте планинарски акции Зима на скопска овој пат искачување на врвот Пржар по Спирова патека. Дождливо и магловито утро ,впрочем како и цела измината недела, но тоа не не поколеба да се собереме во голем број и да се упатиме кон Спирова колиба и врвот Пржар.Како наближивме кај селото Бродец се отвори времето и се појави прекрасен видик кон Водно и крстот кој само тој ѕиркаше како да е на пуст остров сред морето од облаци. По кратка пауза во Бродец продолживме кон Спирова колиба , и веќе од далеку во воздухот се чуствуваше мирисот на топол планински чај припремен од вредните раце на нашите домаќинки.Овој пат имавме и греано вино за кое се погрижи спонзорот на оваа акција винарија Тиквеш. Со убаво друштво и со добро расположение времето брзо помина но тука не завршуваме. Наскоро организираме трета предновогодишна акција ЗИМА НА СКОПСКА. 

Фото-Ѓорѓи

Слики од турата

Прочитај повеќе

Зима на Скопска Црна Гора 1/7

Прва од седумте, прва од седумте планински патешествија на Зима на Скопска, Патека на Костените.

Дојдени од секој крај, во магливо утро, кое те погалува сосема нежно како што се издига во височините. Испреплетени меѓусебе, се препознавме по планинарскте стапчиња, по планинарските чевли.

Барајќи костени, слушаш жубор на вода, која те пренесува до месноста Говедарник. А, оттаму наѕира  Црн Камен, врв каде ја ослободуваш секоја честитка од радост. Врв, кој не познава стари, млади, туку само храбри планинари, кои го освоиле,  токму  ден пред Ослободувањето на Скопје.

Скопје, иако те гледаме во сиви облаци, сепак те сакаме!  Радост ти ни будиш!

Се симнавме до Спирова колиба, таму веќе е топло, огинот гори, се грееше чајче, се вареше кафе. Секој кој што има, кој што донел, кој што нашол попат (костени), споделува, споделува по некое залаче, споделува по некој топол збор. А планинарската куќа е осветлена, и се прашуваш дали е тоа е од сончевите зраци  или од дрвата кои горат. Не, тоа е од топлината на гостите, од чија топлина душата ти е стоплена.

Но, тука не завршува нашата приказна, продолжува по патеката Три чешми. Пешачиш надоле, поминуваш една ешма, друга чешма, трета чешма, наполнуваш изворска вода,  но не ја гаси жедта за планина, туку те повикува повторно да дојдеш на Зима на Скопска.

 Ви благодариме на сите што дозволивте да ја споделите Вашата планинарска радост со нас, на Зима на Скопска !

И, се  гледаме на 2/7 на Зима на Скопска !

Teкст: Слаѓана Фотографија: Ѓорги 

Прочитај повеќе